Sanferminak 2017

Entzierroko ibilbidea 07:15ean itxiko dute sarbideak kontrolatzeko

Euskalerria Irratia 2017ko uzt. 4a, 08:25

"Segurtasuna ziurtatzeko" hartu dituzte neurriak. Zenbait kaleren norabidea aldatuko dute, halaber, eta beste zenbait itxita egonen dira auto pribatuentzat.

Entzierroko ibilbideko sarbideak kontrolatuta egonen dira 07:15etatik aurrera: segurtasun neurriak ezarri eta ibilbidetik aterako dituzte korrika egiteko moduan ez dauden pertsona horiek. Hala, korrika egin nahi dutenek baino ezin izanen dute bertan egon. 

Bestalde, zirkulazio aldaketak ere egonen dira, oinezkoek eta garraoi publikoak izanen baitute lehentasuna. Esaterako Navas de Tolosa eta Gipuzkoa etorbidetik ezin izanen dute pasa ibilgailu pribatuek. Bestalde, zirkulazio norabidea aldatuko da Sandoval, Paulino Caballero eta Teobaldo kaleetan. Era berean, hainbat kale moztuko dituzte Zabalgunean eta Alde Zaharrean.  

Aparkalekuei dagokienez, Alde Zaharreko bizilagunentzat erreserbatuta egonen da Gas ikuiluen inguruko parkinga.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!