Nafarroako Gobernuak errekurtsoa jarri du epaitegietan UAGN sindikatuak datuak faltsutzeagatik eta modu horretan diru-laguntzak jasotzeagatik zeuden susmoengatik behar beste ikertu ez dela uste du Gobernuak.
Izan ere, Guardia Zibilak afera horretan 26 espediente zabaldu zituen faltsukeria eta irregulartasunak egon zitezkeelakoan. 26 espediente horietatik 9 baino ez ditu ikertu, eta horien artean datu faltsuak badaudela eta diru-laguntza publikoak jaso zirela horren ondorioz jasotzen dela nabarmendu dute, baina, iraungita daudela. Gobernuak hori ikusita, kasua artxibatzearen aurkako errekurtsoa jarri du.
Barne Kontseilariak gaineratu du, epailearen autoan nabarmentzen dela badirela dokumentuak faltsutu izanaren zantzuak, delitu eta iruzurra egon daitezkeela iradokitzen du. Iraungita egonagatik ere uste du Gobernuak beharrezkoa dela dena ikertzea. Auto berean, epaileak berak jaso du 2,8 milioi euroko diru-laguntzak jaso zituela UAGN sindikatuak eta parte handi batean dokumentazio faltsua aurkeztu ahal izan zuela.
Horregatik, Gobernuak uste du diru hori, publikoa izanagatik batez ere berreskuratzeko aukera egon daitekeela eta horregatik jarri duela errekurtsoa.