Atzo aurkeztu zuen Nafarroako Gobernuak Aniztasuna Artatzeko Plan Estrategikoaren zirriborroa. Lehenik eta behin, diagnostikoa gauzatu zuten; orain, hezkuntza arloko agenteen ekarpenekin osatuko dute plana eta, gero, fase publikoa zabalduko dute, zirriborroa gardentasun atarian jarri eta herritarrek beren iritzia eman dezaten.
Planari esker, zaintzaileen ordutegiak eta soldatak hobetu; kultura bultzatzaileen eta gizarteratze teknikoen plazetara deitu; eta haur eskolen prezioak murriztuko dituzte.
Maria Solana Hezkuntza kontseilariak azaldu duenez, 2017 2018 ikasturtean ipiniko dute martxan plana, alegia, heldu den ikasturtean, eta bost lan ildo izanen ditu: berdintasuna eta batasun soziala sustatzea, metodologia eta antolakuntza hobetzea eta Nafarroako Baliabide Berezien Zentroa eta araudiaren adaptazioa egitea.
