Gaur hasiko da besta giroa Azpilagañan, ofizialki lehen jai eguna biharkoa izanen den arren, suziria lehertu ostean, eta lau egunez bada zer gozatua: kalejirak, zozketa, herri bazkaria, zezen suzkoa, kontzertua... Denen neurrira pentsatutako jaiak dira.
Gaur, 17:00etatik aurrera, Yoar Gazte Elkarteak antolaturik, haurrentzako jolasak daude. 18:00etatik aurrera, txosnen irekiera. Orduan, kontzertuak hasiko dira: Los Lucians, Sofocaos, Susurro a gritos eta Skarmentu ariko dira. Txupinjazoa bihar izanen da, 19:00etan, auzoko dendarien omenez.
Egitaraua osorik ikusi daiteke sarean, egunez egun eta orduz ordu.
