Ekainaren 7tik 9ra izanen dira frogak; 4.143 gaztek egin dute Batxilergoko bigarren maila, gehienak Gizarte eta Osasun Zientzien alorrean.
LOMCEren curriculumean dago selektibitate berritua: derrigorrezko fase bat izanen du, lau edo bost ikasgairekin eta 10 puntura arte lor ditzakete ikasleek bertan; ostean, aukerazko bat ere badute, 14ra arte igotzeklo aukera ematen duena. Orain artekoaren oso antzekoa izanen da. Errebalidak egitea zegoen mahai gainean, baina 2016ko azaroan atzera egin zuten.
140 irakaslek zuzenduko dituzte azterketak, eta notak ekainaren 14an jakinaraziko dituzte. Aurkezten direnen %96k aprobatzen dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.