LGTBIfobiaren aurkako nazioarteko egunaren karietara aniztasunaren aldeko eta gorrotoaren kontrako aldarria zabaldu zuen atzo jende mordoak, Merkaderesen, E28ko Plataformak deituta.
Muxukatze herrikoia eta performancea egin zituzten, NBEk homosexualitatea gaixotasun mentalen zerrendatik kendu zuela 27 urte bete zituen egunean. Uxue Alvarez bozeramaileak Ahotsa.info webguneari egindako adierazpenetan azaldu zuen "transen errealitatea ikusarazten" ari direla bereziki azken aldian eta Hazte Oir elkarte ultrakatoliko eta transfoboaren autobusari emandako erantzuna izan zuen gogoan. Horregatik, "trans patologizazioaren kontra" egin behar dela aldarrikatu zuen.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
