Iruñerriko euskaldunon agerkaria
euskalerriairratia.eus

Mikel San Sebastian Lesakako presoaren lagun batek auto istripua izan du

Euskalerria Irratia 2017-04-03 08:25   Politika  Nafarroa

Gaur Iruñean, 20:00etan, PPren egoitzaren aurrean elkarretaratzea eginen du Etxerat elkarteak sakabanaketarekin amaitzea eskatzeko.

Mikel San Sebastianen laguna igande goizaldean iritsi zen Lopidanara Murtziatik zetorren Mirentxineko furgonetan eta, ondoren, bere auto partikularrean itzulera bidaia egin behar zuen Lesakaraino. Oiartzungo bidesaria igaro ostean, euri-erauntsi baten erruz preso politikoaren ahaideak autoaren kontrola galdu eta errepideko erdibitzailearen aurka jo zuen. Autoa erabat birrindua geratu da, baina Mikel San Sebastianen laguna onik atera da.

Ezbehar berri honekin, 10ra igo da espetxera bidean edo bueltan istripua jasan duten euskal preso politikoen senide eta lagunen kopurua. Etxerat Elkarteak astebururo astebururo, 28 urte luze hauetan, euren bisita-eskubidea bermatu ahal izateko "dispertsio politikak ezartzen dituen arrisku eta kostu fisiko, psikiko eta ekonomikoei aurre egin" behar dietela salatzen du. Elkarteak gogorarazi nahi du "desplazamendu behartuen egoerak 16 biktima eta 400 istriputik gorako balantze beldurgarria" utzi duela, oraingoz.

Gaur astelehena Iruñean, 20:00etan, PPren egoitzaren aurrean kontrentrazio bat eginen du Etxerat elkarteak sakabanaketarekin amaitzea eskatuz.

Albistea ahotsa.info-tik hartua. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa