Aurretik iragarritako 50 taldeei beste 34 batu zaizkie, udako Hatortxu Rock jaialdirako. Batu diren azkenak, honako hauexek: Governors, Esne Beltza, Berri Txarrak, Betagarri, Arkada Social, Vendetta, Josetxu Piperrak, Doctor Deseo, El Corazon del Sapo, Willis Drummond, Sorkun, Anari, Skontra, Ken Zazpi, Gatillazo, Su ta Gar, Zartako-K, Enkore, El Sonido de la Metralla, Trikidantz, Mafalda, Gatibu, Gozategi, Porrotx, Porco Bravo eta Juantxo Skalari.
"Errepresaliatuen egoera agenda politikoen erdian kokatu beharra dugu. Horretarako denon beharra dugu. Eta Hatortxu Rock 20 musika jaialdi bat baino askoz gehiago izanen da eta euskal gizarte guztiari dei egin nahi diogu uztailaren azken asteburuan Lakuntzan antolatuko dugun jaialdi erraldoian parte hartzeko. Bada garaia gatazka hau errotik hartu eta konponbide bat bilatzeko. Eta horretarako ezinbestekoa da errepresioa pairatzen duten herritarrak etxera itzultzea. Egun horrek ez du etorkizuneko egun bat izan behar, egun horrek gaur izan behar du", adierazi dute Hatortxu Rockeko antolatzaileek.
Sarrerak, 70 euroan salgai
Sarrerak salgai jarri dituzte, esteka honetan. 70 euroren truke lau egunetako bonoa eros daiteke.
