380.000 euro izanen dituzte Nafarroako liburutegiek literatur sorkuntza eta ikus entzunezko lanak erosteko: zehatzago, Nafarroako Liburutegiaren esku egonen dira 100.000 eta gainontzeko 280.000 euroak Nafarroako liburutegi sareko zentroentzat izanen dira.
Kontratazioak bost sailetan eginen dituzte: lehenegoan, helduentzako fikzio liburuak erosteko (65.000) euro; bigarrenean, 92.000 euro emanen dituzte, helduentzako ez-fikziozko liburuak erosteko; higarrenean, haur eta gazte literatura erosteko 56.000 euro esleitu dituzte; laugarrenean, Nafarroako liburutegiarentzat edozein motatako liburuak erosteko 65.000 euro jarriko dituzte eta seigarrenean Nafarroako liburutegiarentzako ikus-entzunezkoak erosteko 56.000 euro.
Diru sail honetaz aparte, tokian tokiko udalek ere diru laguntza eskaintzen diete liburutegiei: 3888.368 euro, hain justu.
Euskarazko lanak oraindik ere gutxi
Iaz, 28.589 liburu erosi zituzten liburutegi publikoek; helduentzako euskarazko liburuak 2.029 baino ez ziren izan -falta dira, dena dela, haur eta gazte literaturako liburuen datuak-.
Liburutegi bakoitzaren esku dago zein produktu erosiko dituen erabakitzea, beti ere, "dauzkan obrak kontuan izanda eta herritarraren profilak aintzat hartuta".
