Trapezistak, akrobatak, ilusionistak, hizkuntzaren malabaristak... zirkuaren munduaren bueltan egituratzen da 20. Korrikaren aurtengo kanta. Uxue Alberdi bertsolariak sortu du letra.
Zabalak berak esan du "Errumaniako doinuak" dauzkala kantak, eta "ilusionatzeko" dagoela egina, korrikaldiaren pausoa laguntzeko. "Doinu balkanikoak" dakartza kantak gogora: "bizia eta alaia" da.
Izen ezagun ugari
Kantarien artean, izen ezagun anitz: Petti, Izaro, Napoka Iriako Miren Narbaiza, Willis Drummond taldeko Jurgi Ekiza, Afuko Oihana Fernandez...
Musikari dagokionez, Jarauta 69 txarangako kideek jarri diote, Oreka TXko sortzaileekin batera.
Nomada da korrika
Oreka TXko Arkaitz Martinez de San Vicente da zuzendari artistikoa, eta hark adierazi du "ekimen nomada bat" dela korrika, "joan etorria" iradokitzen dio.
Apirilaren bederatzian amaituko da Korrika Iruñean eta festa handia antolatzen ari da AEK.
