Sanferminetako talde bortxaketarengatik atxilotutako bosten auzipetzea berretsi du Nafarroako Lurralde Auzitegiak, horietako batek aurkeztutako helegiteari izkin egin, eta instrukzio epailearen erabakia babestuta. Aurrera jarraitzen du auziak, beraz, irmoa baita sententzia.
Neskaren testigantza "koherentea" izan dela jakinarazi du Auzitegiak, bai eta grabazioen edukiek "bermea" ematen dietela ere.
Detailerik ez da falta
Auzitegiaren txostenean, bortxaketaren inguruko xehetasunak zabaldu ditu auzitegiak, esaterako zer nolako jarrera izan zuen erasotutakoak bortxaketaren unean eta erasotzaileak ezagutzen zituenetz. Gisa horietako datuak dira gero akusatuak errudun ote diren erabakitzeko garaian baliatuko dituenetako batzuk.
