Osasunak Enrique Martin Monreal entrenatzaile kargutik kendu du. Zuzendaritza Batzordea astelehen honetan batzartu da Sadarren eta lehen taldeko entrenatzailea botatzea erabaki du. Enrique Martin Madrilen egon da ekitaldi baten eta telefonoz eman diote erabakiaren berri.
Momentuz, talde gorritxoak ez du entrenatzaile berria ezagutzera eman eta bigarren taldeko entrenatzailea den Alfredo Sanchezek zuzenduko du astearte honetako entrenamendua Taxoaren.
Joaquin Caparros, Luis Garcia Plaza eta Pepe Mel dira Martin Monreal ordezkatzeko azaldu diren izenak. Petja Vasiljevic kirol zuzendariak esan duenez, "Caparros bilatzen ari garen profilean sartzen da", esan du prentsaurrekoan.