"Pozik gaude egindako kanpainarekin, jendearen lana eta konpromisoagatik, auzolana eta beroarengatik. Lasaitasun horrekin gelditzen gara", adierazi du Ruizek.
Gero, diputatua lortu ez izanaren inguruko hausnarra gauzatu du. "Faktore asko egon daitezke, gure esku ez daudenak asko. Oinarria eta militantziarekin hitz eginda, bagenekien halakorik gerta zitekeela. Gure esku zegoena egin dugu".
Ahoan bilorik gabe jakinarazi du xedea ez dutela bete, eta, hala ere, baikor mintzatu da. "Helburua bete ez, baina, egindakoarekin kontent gaude. Kontsolamenduak ez gaitu asetzen, EH Bilduk hausnarketa sakona egin behar du, ez bakarrik kanpaina bati begira, baizik, indar soberanista bezala".
Autokritikak ere izan du tokirik: "Boto abertzaleari ez diogu eutsi".Eta testuinguru orokorraren argazkia egin du hautagai izandakoak. "Nafarroan, erregimenaren indarrek igo dutena, bat datoz Espainiakoek lortu dutena".