"Memoria, aldarrikapena eta giro atsegina" uztartuko dituzte, bihar, Igari-bidankozeko mendatean Memoriaren Bideak-ek prestaturiko ekitaldian. Uztailaren 18ko estatu kolpearen 80. urtemugaren karietara bilduko dira, "garai bateko errepresioaren memoriak gaurko giza eskubideen defentsarako tresna" izan behar dela aldarrikatzeko asmoz.
Aurten, egungo arazoen bueltan lan egiten duten elkarteek pisu handia izanen dute, hala nola, Amnesty Internationalek eta SOS Arrazakeriak.
Igari eta Bidankoze herriak lotzen dituen errepidearen mendatean izanen da ekitaldia, 12:30ean. Ez da kasualitatea toki hori aukeratu izana. 2.4000 antifaxistek eraiki baitzuten errepidea 1939 eta 1941 bitartean.
Nafarroako Gobernuko Memoria Historikoaren Arloko arduradun Jose Miguel Gaston ere bertan izanen da.