Uste baino parte hartzaile gutxiagorekin eta ur uherren artean, baina aurrera doa Hezkuntzako Lan Eskaintza Publikoa. 2.058 azterketa eginen dituzte parte hartzaileek -euskarazko eta gaztelaniazko frogak egin nahi dituztenek bi etsamina ezberdin bete beharko dituzte-. Deialdia zabaltzerakoan, 3.231 zeuden. Alegia, eskaeran %64 mantendu da.
Hezkuntza Sailaren esanetan, beherakada beste herrialde batzuetako eskaerak ere bazeudelako izan daiteke eta horietako asko ez direlako Nafarroara etorri programazioa ekartzera. Gainera, 2.058 eskaera bai, baina 266 lagunek bi azterketa eginen dituzte, gaztelaniazkoa eta euskarazkoa, eta, beraz, eskaera baino pertsona gutxiago daude.
Azpimarratzekoa da horren karietara sorturiko kalapita. LABek, ELAk eta Steilasek zerrenda bakarra defendatu zuten.
