Frankismo garaian sindikatuko kide izandako herritarrek bat egin dute eurek bizitako krudelkeria salatu eta Iruñeko Udalak abian jarri duen ekimenarekin bat egiteko: gizateriaren aurkako erailketengatik kereila jartzeko asmoa du Udalak eta prozesu horretan aktiboki parte hartzeko asmoa erakutsi dute gaur garai hartako sindikalista ugarik. Izan ere, jazarpena, kaleratzeak, zerrenda beltzak, atxiloketak, isunak eta espetxea ezagutu dute askok.
Isilik geratu beharrean, euren memoria gogoan hartzeko eta ondorengoek gertatutakoaren berri izan dezaten lan eginen dutela nabarmendu dute. Aurrera pausoa eman eta euren esperientzia, testigantza ere emanen dute askok Iruñean zabaldu berri den Memoriaren Bulegoan.
Ehun herritarrek egin dute bat manifestuarekin. Gehiago ere bilduko dituztelakoan daude eta dei horixe ere egin dute. Diktadura frankistan euren eskubideak urratuak ikusi zituztenek bat egin dezatela.