> Mikel Mendibil, Patricia Martiartu, Mikel Santos eta Eneko Uharte sortzaileek egin dute kartela, Buztintxuriko eskola publikoko 685 ikasleen laguntzari esker.
> Botoen %25,9 jaso ditu; 6.078 herritarrek eman dute haien iritzia, iaz baino 954 gehiagok (%19).
Buztintxuriko haurrek izkiriatutako esaldiak eta marrazkitxoak. Horiek dira hondo gorri baten gainean beltzez margotutakoak. Eta horiek ere babes zabalena jaso dutenak: botoen laurden bat. 1.575 boto jaso ditu guztira kartel irabazleak, eta horregatik huraxe izanen da aurtengo festen irudia.
Orotara, 506,5 lagunek eman dute botoa egun bakoitzeko. Soilik 2009an bozkatu zuten herritar gehiagok eguneko: 514,8ko batez bestekoarekin egunean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
