Gaixo kronikoei arreta integrala eskaintzen zaie Nafarroan. Osasun Plana abian da eta estrategien artean eritasun kronikoak dituztenei arreta berezia ematea izanen da. Guztira 123 ekimen berri barnebiltzen ditu Osasun Planak. Horietatik 81 martxan dira jada.
Fernando Dominguez Osasun Kontseilariak azalpenak eman ditu parlamentuko batzordean. Esan du, estrategien artean gaixo kronikoak sartzea ezinbestekoa dela, dagoeneko emaitza positiboak eman dituelako arreta berezi hori jaso dutenen artean. Iruñeko Donibane auzoko osasun etxean, Lizarran, Tafallan, Tuteran eta Ultzaman da abian gaixo kronikoei arreta integrala emateko plana. Izan ere, Nafarroan 108.022 pertsona daude halako eritasunen batekin. Horietatik gehienak eritasun arina dute, %71, beste %18 gaixotasun moderatua dute eta beste %11 eritasun larria.