"Ia 6.000 lagun pasa ziren espetxetik, eta 800 erail zituzten edota gaitzen bat medio hil ziren". Datuak ipini ditu mahai gainean Ezkerrak. Horregatik, eta kontuan izanda Defentsa Ministerioaren eskumena dela, urratsak emateko esan dio.
85 familia daude Ezkaban eraildako haien senideen berri jakiteko esperoan, Batzarreko kide Joseba Ezeolazak esan duenez.
Gainera, 'botilen hilerrian' 131 lurperatu daudela uste du alderdiak, eta, horregatik, tokia "duina" izan dadin, eraildakoen izen abizenak jasoko dituen plaka ipintzea nahi du.