Hizkuntza eredua aukeratzerako orduan, familien askatasunaren alde zen Change.org sareko plataforman Afapnak abiatutako sinadura bilketaren leloa. Donibaneko eta Arrosadiako bi haur eskoletan euskara txertatzea gaitzesteko ekin zioten sinadura bilketari.
Otsailaren 17an aurkeztu zizkioten 2.307 sinadurak Iruñeko udalari, NAN zenbakirik gabe, ez eta egiazkotasuna froga zezakeen daturik gabe.
Jatorriari dagokionez, bildutako sinaduren %6,7 baino ez dira Iruñekoak eta %5,1 Nafarroako gainontzeko herritakoak. Orotara, %11,8 dira nafarrak. Gainontzekoan, %86,73 Espainiakoak dira; zehazki nongoak diren ez dute aipatu.
Zenbait berezitasun ere badaude: esaterako, Cadizko Ubrique herriko sei sinadura daude.