Kordobilla inguruan saltokia zabaltzea proposatu zion multinazionalak exekutiboari, eta Garapen sailak begi onez ikusi du proiektua.
Galarko zendearen lurretan eraikiko lukete fabrika, Superser botata (21.540 metro koadro).
Ikea, kritika iturri
Nazioartean, foku pean jarri dute hainbat talde ekologistek eta langileen eskubideen aldeko erakundek Ikea. Esaterako, leporatu diote 80ko hamarkadan Kuba eta Alemaniako presoak erabiltzea. Ildo berean, prekarietatea oinarri duen enpresa dela salatu izan dute askok, tartean, Euskal Herriko egoera azaldu zuen Axier Lopez Argiako erreportaje honetan.
Gainera, herri mugimenduetako kideek denda txikien salmentetan izanen lukeen eragina aipatu dute Baionan. Bertan saltokia ireki zenean, adibidez, Bizi! mugimenduko kideek hileta bat irudikatu zuten, sinbolikoki denda txikien amaiera irudikatu nahian. "Ikearen etorrerak Baionako saltokiei kolpe hilgarria emanen die", esan zuten. Nora Arbelbide Berriako kazetariak eman zuen irekieraren berri, ikuspegi kritikoz.