Europako Giza Eskubideen Hitzarmenean eta Torturaren Kontrako Hitzarmenean jasoko printzipioak "betetzeko" eta tortura ikertzeko agintzen duen Europako Giza Eskubideen Auzitegiko doktrina "segitzeko" eskatu du Iruñeko Udaleko Lehendakaritza Batzordeak.
Gainera, inkomunikazio eta "babesgabetasun egoera" ahalbidetzen duen legedia bertan behera utz dezan galdegin dio Espainiari.
Biktimak ere ardatz izan dira. "Elkartasuna" azaldu diete. Bi zuzenketa aurkeztu dituzte, ildo horretatik; hala, "terrorismoaren ondorioz tortura jasan dutenei" ere babesa eman diete, eta "ekintza terroristak" kondenatu dituzte, "ETAren berehalako desegitea" exijitzearekin batera.
Adierazpenaren bosgarren puntua, argia: "Tortura irmoki kondenatzea eta Espainiako Gobernuari legea bete dezan eta gisa horretako egoerarik ez baimentzeko exijitzea".