Nafarroako Gobernuko Azpiegituren Bulegoko arduradun Martin Ibarra Nafarroako Plangintza Energetikoaz aritu zaigu. Gaur ere, Hezkuntzako Lan Eskaintza Publikoaz eta zerrenda bakarraz hitz egin dugu Paul Bilbao, Kontseiluko idazkari nagusiarekin eta Aitor Jauregi, CCOO sindikatuko kidearekin. Nolakoa da hamar urte barru nahi dugun Nafarroa? REAS Ekonomia Alternatibo eta Solidarioaren Sareko ordezkari eta Landare Elkarteko kudeatzaile David Garnatxorekin solastu gara gaiaz. Rosa Diezek UPyD alderdia utzi du. Gorka Bereziartua kazetariaren eskutik omenaldia egin diogu bihotzez eta atseginez politikari bizkaitarrari. Saioari errematea emateko, Angela Davis ekintzaileari buruzko gogoeta egin du Iñigo Astiz kazetariak.
