2016rako aurrekontua arautzen duen Foru Legea sinatu berri du Nafarroako Lehendakari Uxue Barkosek. Gaur bertan azalduko dira aurrekontu horien inguruko xehetasunak Buletin Ofizialean eta bihar abian izanen dira.
4.005 milioi euro izanen dituzte erabilgarri. Geroa Baik, EH Bildu, Podemos-Ahal Dugu eta Izquierda-Ezkerraren babesarekin aurrera atera zen proposamena. Aurka izan ziren UPN, PSN eta PPN.
Politika sozialak, Hezkuntza eta Osasungintza indartzeko prestatutako aurrekontuak direla nabarmendu dute Gobernua babesten duten lau alderdiek. Departamentu horietara bideratzen den dirua hazi egin da, %6,39.