Heldu den urtarrilaren 28an eztabaidatuko dute aurrekontu proposamen hori Nafarroako Parlamentuko osoko bilkuran. Guztira 95 zuzenketa onartu dituzte eta 4.533.010 euroko gastu finantziarioa izanen duen aurrekontuak onartuko dituzte aldaketarik ezean. Geroa Baik, EH Bilduk, Podemos-Ahal Duguk eta Izquierda-Ezkerrak bat egin dute proposamen horrekin.
485 zuzenketa eztabaidatu dituzte denera parlamentuan: 120 UPNk aurkeztuak zituen, 100 PSNk, 87 PPNk, 83 aurkeztu zituzten Gobernua babesten duten lau alderdien artean eta lau alderdi horiek 95 zuzenketa in voce egin zituzten gainera. Azken horiek dira onartu dituztenak.