LAB sindikatuak jakitera eman duenez aste honetan zehar Nafarroako 14 ikastetxetan 1. mailako DBHko ikasleek proba pilotoak pasatuko dituztela jakin dute. Honen aurrean hau da sindikatuko iturriek adierazi dutena: “Ikastetxe hauetako langile eta gurasoek kezka hori adierazi digute. Proba horien edukia eta zergatiaz hainbat informazio jaso dugu, informazio kontrajarria zenbaitetan, baina galdezka eta galdezka jarraitu dugu; azkenean Hezkuntzako Zuzendari Orokorrak, Estebe Petrizanek ziurtatu duena hauxe izan da:
• Nafarroako Gobernuak beste erkidego batzuekin hitzarmen bat egin duela LOMCEk ezartzen dituen Lehen Hezkuntzako hirugarren eta seigarren mailako probak ez pasatzeko.
• Proba piloto hauek ebaluazio diagnostikoa prestatzeko direla. Ebaluazio hauek Nafarroakoak dira eta 6. mailan pasako dituzte aurten.”
Lbiste honen balorazio positiboa egin du LAB sindikatuak eta ontzat hartzen du Hezkuntza Zuzendari Orokorraren hitza: “LOMCEk inposatzen dituen kanpo probak ez direla egingo albiste ona da Nafarroako Hezkuntza komunitatearentzat. Gobernu honi gonbitea luzatzen diogu lege arrotzen bidetik ateratzeko eta Hezkuntza Sistema Propioaren bidean urratsak eman ditzan. LABek Hezkuntza Zuzendari Orokorraren hitza ez du zalantzan jartzen, etorkizunean orain egiten ari diren proba hauek LOMCEk ezarritako 6. mailako probak egiteko direla agerian geratzen bada, horrek esan nahiko du trikimailutan ibili direla eta sinesgarritasun osoa galduko luke Hezkuntza Departamentu honek.”