12:00etan izanen da Joseba Asiron Fiturren. Nafarroak Nazioarteko Turismo Azokako standean Iruñeak duen eskaintza aurkeztuko du Asironek. Iruñeko alkatearekin batera Hondarribiako alkatea Txomin Sagarzazu eta Baionako Turismo Bulegoko zuzendaria Henry Lauque ere izanen dira Madrilgo azokan.
Iruñeko harresiek Iruñeari ematen dioten berezitasuna izanen du ardatz Asironek. Gastronomia eta hiru hiriburuak, hau da Iruñea, Hondarribia eta Baiona batzen dituen produktu turistiko bateratuaren berri ere emanen dute Fiturren.
Alex Mujika sukaldariak ere parte hartuko du gaurko aurkezpenean. Izan ere, hiru hiri horiek batzen dituen produktuen artean bada elikagaiekin loturiko bat: Honbairuña izeneko pintxoa eginen du sukaldariak. Horrez gain, Iñaki Alforjaren Tengo algo que contarte, contigo-zurekin-avec toi bideoa aurkeztuko dute.
