PPNk eta PSNk baino ez dute babestu UPNk egindako eskaera. Aurkakotasuna azaldu dute Geroa baik, Bilduk, Ahal Dugu-k eta Ezkerrak, eta, beraz, bertan behera geratu da Magnesitas proiektua balioan jartzeko eskaera.
UPNko Maria Carmen Segurak esan du zonaldeko lanpostuak mantentzeko "hil edo biziko garrantzia" duela Magnesitasek. Nafarroako Gobernuari leporatu dio, halaber, "familiak epe ertain eta luzeko etorkizunik gabe" uztea.
PSNko Santos Cerdanek ere hari mutur berari eutsi dio, eta, "nahi izanez gero" proiektua martxan jartzea exekutiboaren esku dagoela adierazi du.
Bestela hitz egin dute lauko gobernuko kideek. Bilduko parlamentari Dabid Anautek zonalde horren garapena "denen asmoa" dela esan du; nolanahi ere, Magnesitarena aukera bakarra ez dela argi utzi nahi izan du.
Geroa Baiko Patxi Leuzak ere txostena "lardaskeria" hutsa dela adierazi du harrobiak "eragin handia" izanen lukeela babestutako guneetan.