Konponbidearen bidean urratsa ezker abertzaleak egin beharko duela ondorioztatu du Sortuko Gatazkaren Konponbidearen arduradunak Iruñean emandako Askatasunaren bidean, presoak etxera izeneko hitzalditik. Rufi Etxeberriarekin batera izan zen Josu Beaumont mintzaldi horretan eta 120 lagun inguru bildu zituzten.
Ezker abertzalearen estrategia berrituaren irudia eskaini nahi izan zuten. "Garai berriei berregokitzea" dagokiela esan zuten. Orain arteko eskemak alde batera utzi eta bide berriak landu behar ditruztela ere jaso du hitzaldian Sortuk. Dio alderdiak, ezin direla aldebikotasunaren zain egon, hau da Espainiar Estatuaren esperoan izan. Uste dute gainera, presoen kaleratzea mahai baten bueltako akordioaren bidez ez dela etorriko, legediaren garapenaren bidez etorriko dela baizik, eta horretarako prestatu beharra dagola iritzi dute.