Laguntza hitza hartu dute ardatz 4/2014 sumarioan auzipetutako Jon Patxi Arratibelek, Iñigo Gonzalezek, Gorka Mayok, Iker Morenok eta Gorka Zabalak. Apirilaren 14tik 21era epaituko dituzte; Ekineko kide izatea leporatuta, zortzi urteko espetxe zigorra eskatzen dute haietako bakoitzarentzat.
Hain zuzen, prozesuaren gastuei aurre egiteko laguntza ekonomikoa lortzeko eginen dute jaialdia, oraindik zehazteke dagoen udalerri batean.
Kop, Kaotiko, Arkada Social, Mc Onak, Tximeleta, Dj Jotatxo taldeek eta dj-ek parte hartuko dute. 19:30ean hasiko da.
Zergatik #Aztnugal
Aztnugal. Laguntza hitza aldrebes idatzita. 2011ko urtarrilaren 18an atxilotu zituzten bost nafarrak, eta inkomunikazio bitartean egindako polizia deklarazioa lelo horrekin sinatu zuen Jon Patxi Arratibelek. Torturak salatu zituzten denek. Horregatik, torturaren kontrako hitzordua ere izanen da.