"Datu horiek adierazten dute herritarrek konfiantza handiago dutela Foruzaingoarengan, nahiz eta gure erronka ez den salaketa gehiago jasotzea, baizik eta ahalik eta zerbitzurik finena eskaintzea segurtasun arazoekin guregana datorren herritarrari", adierazi du Ikerketa Kriminaleko saileko buru Eduardo Sainz de Murieta.
2014an, beraz, %52,6 egin du gora foruzainen jardunak, 399 salaketa gehiago izanda. Guardia Zibilak ere 69 salaketa gehiago jaso zituen, eta Espainiako Polizia izan zen gutxiago jaso zuen bakarra -553 salaketetan murriztu zen kopurua, hain justu.-
"Nafarroako gizartearen partetik gure zerbitzuen eskaintza handiagoa dago, kontuan izanda pertsona bakoitzak erabaki dezakeela zein poliziarengana jo", esan du Sainz de Murietak.