Elurra kentzeko 127 makina (haietatik 6 turbofresak) eta zaintza nahiz kontroleko 90 bat ibilgailuk osatzen dute Nafarroako neguko bidezaintzaren parke mugikorra, eta apirilaren 30 arte luzatuko da; asteburu honetan aktibatuko da estreinakoz, ostiralean ezartzen diren irizpideen arabera, aurreikusi diren lehen elurteak direla-eta.
www.incidenciascarreteras.navarra.es webgunean eta 848423500 telefono-zenbakian errepidearen egoerari buruzko etengabeko informazioa eskaintzen da
Herri Lan Zuzendaritza Nagusiaren mende dauden 375 langileri eta autobia nahiz autobideen (AP-15, A-21 eta A-12) enpresa emakidadunei (teknikariak, langileak eta gidariak aintzat hartuta), Foruzaingo eta Guardia Zibileko agenteak gehituko zaizkie; Garapen Ekonomikorako Departamentuko Errepideak Kontrolatzeko Zentroarekin eta SOS Navarrarekin koordinatuko dira bideen 3.828 kilometrotan eta 39 mendateetan aurkitu daitekeen izotz nahiz elurrari aurre egiteko.18.000 tona baino gehiagoko gatz-erreserba ere prest dago.
Nafarroko Gobernutik, bestalde, gogorarazten dute 011 telefono-zenbakira ere dei daitekeela, Trafikoko Zuzendaritza Nagusiko errepideen informazio-telefonora, eta haren webgunea kontsulta daitekeela (www.dgt.es); bertan, Espainia guztiko informazio eguneratua topa daiteke trafikoko egoeraren gainean eta edozein eratako gorabeheren gainean.