Gaurko saioan ezagutu dugu R-klamatu abokatu taldeak eskaintzen duen zerbitzua: hegazkin atzerapenak, overbookina edo maletak galtzeagatik eman behar dizkiguten kalte ordainak eskuratzeko modu erraza, erosoa eta gainera euskaraz. Iñaki Gonzalok eman digu informazio guztia. Ezagutu dugu, bestalde, zer nolako ekitaldiak eginen dituzten Orreaga Fundazioak eta Etxabarrengo Kultur Elkarteak Orreagako gatazkaren oroitzapen saioetan Iruñean eta Ibañetan, jakin dugu ere bai zer eskaintza egiten duen San Pedroko Ingurumen Heziketarako Museoak haurrentzat, abuztuko bigarren hamabostaldiko tailerretan eta aukera izan dugu Miren Asiain Lora ilustratzaile gazte eta iruindarrarekin, Iberoamerikako Ilustratzaileen Katalogoaren saria irabazi duela jakin eta berehala.
