Hilabete bat joan da Esteve Materrak duela hiru mende Bordelen argitaratutako 'Doctrina Christiana' liburua aurkitu zutela ikerlari zenbaitek. Lapurtera klasikoan idatzitako lehen lan hau Danimarkan aurkitu zuten eta orain, bertara joanen dira ikerketarekin jarraitzeko. Ekaitz Santazilia filologo iruindarrak eman dizkigu xehetasunak.
Esparza eta Barcinaren arteko aferaz mintzatzeko kazetari bi izan dira gurean: Diario de Noticiaseko Ibai Fernandez eta Garako Martxelo Diaz.
Nola bizi ongi? Bizimodu onari buruzko jardunaldiak antolatu dituzte Tuteran. Horren aitzakian, hedonismoaz, plazeraz eta ongizateaz aritu gara Xabier Agirre, Girgillaoko filosofoarekin.
Iruñeko Orfeoiak 150 urte. Orain arte eginiko bideaz, gaur egungo egoeraz eta aurrera begirako proiektuez mintzatu zaigu Orfeoiko zuzendari Igor Ijurra zuzendariak.
