Gaurko egunean, mundu mailan, ustezko jarduera erromantikoei ekiten jende askok. Ustezko diot, neurri handi batean propaganda kapitalistak bultzaturiko eta hedaturiko ospakizuna baita, derrigorrez ospatu beharrekoa.
Baina, hala ere, egun ere, pertsonen arteko harremanekin zerikusi handia duen bestelako nazioarteko eguna era bada: sexu-eta ugalketa- osasunaren eguna.
Osasunaren Munduko Erakundearen hitzetan, sexu-osasuna ongizate fisiko, mental eta sozialerako estatua da sexualitaterai dagokionez, eta ez gaixotasun, disfuntzio edo ezintasunik eza soilik. Sexu-osasunak sexualitatearen eta sexu-harremanen ikuspegi positiboa eta errespetuzkoa eskatzen du, baita sexu-esperientzia atseginak eta seguruak izateko aukera ere, inolako jazarpen, diskriminazio eta indarkeriarik gabe. Sexu-osasuna lortu eta mantentzeko, pertsona guztien sexu-eskubideak errespetatu, babestu eta bete-betean erabili behar dira
Gure inguru hurbilean, Nafarroako Hiesaren Aurkako Batzorde Hiritarrak, gaurko egunaren karietara, gomendio andana igorri ditu bere sare sozialetan: GIBaren eta bestelako sexu-bidezko infekzioak detektatzeko probak egitea, prebentziorako materiala erabiltzea sexu-jardueretan, noberaren sexualitatea aske erakustea, elkarbanatutako plazera sustatzea eta, behar izanez gero, aholku eske joatea.
Gaur, otsailak 14, eta egunero, jar diezaiogun arreta gure sexu-eta ugalketa- osasunari.
