Gutxi gehiago esan daiteke Gorka Urbizuren musika berriaz. Soiltasunetik lan handia egin du, errez konektatzeko kantuak dira, zuzen zuzenean barneraino iristen zaizkizun esaldiekin, leunki abestuak, baina hitzak jartzen dizkiotenak gure sentipen eta bizipen askori.
Rokeroak direnek ez dute han topatuko lehengo sugarra, zerbait intimoagoa da, guztiz ezberdina, ez hobea, ez txarragoa, barneko beste tekla batzuk ukitzen dituenak.
Asteburuko kontzertu batez gozatzeko aukera izan nuen, itxaropenak guztiz gainditu zituenak. Ezusteko baten moduan bizi izan nuen, Urbizuk diskoa atera zuen moduan, ezustean, eta espero dezagun halako ezusteko polit gehiago beragandik etortzea.