Artista batek uko egin dio peña batean jotzeari zezenketetara joatearekin ez dagoelako ados. Ez da eztabaida berria, afera hau hamarladatan eztabaidatu da, baina sona hartzen ari da eta ez da gutxiagorako.
Ez da zilegia animaliak ongi pasatzeko erabiltzea, objektuak balira bezala. Jaiak ospatzeko mila modu daude, eta nire irudiz, horrek ez luke izan behar.
Musikariak peñan jotzeari uko egin izana, gizartearen zati handi batek zezenketekiko sentitzen dugun gaitzespenaren isla da.
Sufrimendua eragiten duen, kakots artean, "ikuskizuna", arbuiatu beharko genuke, ezin zaiolako horri gailendu gizakiaren interes espezifikoa halako ekintza batera joateko. Sanferminek beste balio batzuk aldarrikatzeko gune izan behar dute, hala nola, berdintasuna, euskalzaletasuna edota aniztasuna. Hori ez dator bat animaliak sufriarazteko gune izatearekin.
