Iraila, ikasturtea dagoeneko martxan eta martxan ere uda honetan osatu den gobernu berria, hirugarrena UPNrik gabe. Bagoaz poliki-poliki exekutiboaren osaketa berria ezagutzen, antzekoa izanen dena aurrekoarekin konparatuz. Hala ere, Piriniotik kezkaz bizi dugu Pirinioko Plana zein Proiektu Estrategikoen zuzendaritza desagerrarazi izana gobernu berri honen osaketarekin batera.
Aldaketaren gobernuarekin batera, haize berria iritsi zen Pirinioko eskualdetara eta urteetako ahanzte instituzionalarekin amaitu zen. Aro berri bat hasi zen gurean, kontuan hartzen hasi ziren hamarkadetan aldarri izandakoak eta elkarlanerako bidea ireki zen bertako instituzio eta herri mugimenduko kideekin batera. Ordutik, egoerak hobera egin du, nahiz eta badauden hobetzekoak izan diren gauza aunitz ere. Baino, ahanztura edo elkarlana? Guk argi daukagu.
Orain, berriro ahanzturaren erortzearen beldur gara, berriro marjinazioa aireak baitabiltza. Jakin dezatela horrela bada, entzunen gaituztela eta ez garela goibelduko, Pirinioko herritarrok badakigulako zer den pareta horren aurka ibiltzea. Horren guztiaren gainetik badakigu aitzinera egiten eta elkarlanean, gure eskualdeendako etorkizuna ereiten jarraituko dugu. Pirinioa aitzina doalako, bizirik jarraitu nahi duen irrintzi bat dabilelako gure mendietan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
