Egunotan albisteek gainezka egiten digute. Aurrean daukagun mundua ziurgabetasunez beteta dago: hauteskundeak, mobilizazioak, krisiak eta, ezin ahaztu, genozidioa. Hala ere, ziurgabetasun hori zaharkituta dagoenaren gainbeheraren ondorioa ere izan liteke. Horrek aukera emango liguke, demagun, espekulatzaile eta errentistak babestu dituen sistema kolokan jartzeko; supermerkatuetako prezioak etengabe igotzea eta irabaziak handitzea ahalbidetu dutenen zilegitasuna zalantzan jartzeko; eta lan-baldintzen kaskartzearen kontura etekinak handitu dituzten enpresarien negozio-ereduarekin hausteko. Paradoxikoa izan daiteke, baina zaharkitutako egiturak kolokan jartzeko tresnak langileriak betidanik eskura izan dituen berberak dira oraindik: mobilizazioa eta, bereziki, greba. Berandu iritsi den ala ez eta nora eramango gaituen eztabaidatu daiteke. Baina ilusioa piztu dit greba orokorraren deialdiak. Ziurgabetasunak antolaturik harrapa gaitzala.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!