Trapuak idortzen

Erabiltzailearen aurpegia

Inauterietako asteartea dugu gaurkoa, ospakizunak bukatzeko egun ofiziala. Iragan dira maskara zaharra atzean utzi eta berria janzteko baliatu ditugun inauteriak, 2020koen pare herri askotan.

Panpinak erreta bukatzen dira inauteri anitz, aurreko urteak ekarritako txarra atzean utzi eta udaberriari gogoz heltzeko. Sua izaten da gaitzak uxatzeko modu bat, purifikatzen lagunduko gaituelakoan. Sua suntsiketa da, baina errautsaren lekuan beti loratzen da bizitza. 

Iruñean Zitala erre zuten atzo, lehen Mari Trapu deitzen zutena, eta trapuak ere ederki astindurik badoa aurtengo inauteria. Ezten zorrotza dutela aski garbi erakutsi zuten kokobeltzek igandean; denentzat badutela zer esanik, baita haien buruez irri egiteko gaitasuna ere. Trapu zikinak etxean garbitzen direla esan ohi dugu, eta etxekoekin garbitu ditu Iruinkokoak, plaza publikoan bada ere. Izan da biktimarik bidean: RIP biziki aküratüa. Baina errauts horietatik ere loratuko da bizirik. Trapuak garbituta, idortzen utzi dituzte Santa Ana plazan.