Iruñerriko euskaldunon agerkaria
euskalerriairratia.eus

Txio bakar batengatik

Erabiltzailearen aurpegia Iker Tubia 2017-12-01 11:32   Iritzia

Fabore bat eskatuko dizuet. Etorkizun imajinario batera eginen dugu bidaia. 2097ko abenduaren 1a da. Kapitalismoarenak egin du, eta herrien Europa komunean bizi gara. Hala ere, Nafarroako Gobernuak urrezko domina ematen jarraitzen du. Ezker Batua proposatu dute, kapitalismoaren garai latzetan egindako lanarengatik.

Halako batean, alderdi txiki bat erabakiaren aurka agertu da. "Hara, zer dute orain trotskistek?" pentsatu du baten batek. Gaspar Llamazaresen txio bat atera dute Ezker Batua neoliberala zela frogatzeko. Horrela dio (eta hau ez da fikziozkoa): "Nahiago dut demokrazia, inperfektua bada ere, diktadura baino, proletarioarena bada ere". Azaldu diote zein den Ezker Batuaren ibilbidea, baina ezetz, txioa aipatzen du behin eta berriro. Txioa ez besterik.

Errealitatera itzulita, Ezkerrak Campionekin egin duena ezin ulertu nabil. Kotoiaren froga ere ez dute egin: Frankista xenofoboa izanda, ez du etorbide, kale nagusi edo plazarik Iruñean?

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa