Ez dut politikari buruz gehiago hitz egin nahi, agostazo, abuztukada, ekainkada eta gisa honetako ostikadak burura etortzen zaizkidan arren. Errealitatetik alde egiteko beharra dut, ihes-nahia, duela ehun urteko modernista flipatuen moduan. Hori dela eta, Star Wars filmak telebistari lotu eta estratosferatik gora joateko ahalegina egin dut. Izarren artean, hor daude Inperioko indar ilunak oldartuak Errepublika Galaktikoaren kontra. Filmaren lehendabiziko bost minutuetan Barkoseko Leia printzesak borroka galdua du, Sith ilun motroiloia gainean dituela. Ordu laurdena pasatu aurretik, Asiron Skywalkerrek ezin izan dio Maya Nihilusiri aurre egin, Darth Txibitiusek segada egin diolako. Orduan, PedroSanchinez Kantzilerrak iluntasun unibertsala ezarri du Inperioa berreskuratuz. Hau tristura…baina, itxoin! Hara! Hor doaz Hobe-bat-ta-ez-bi eta Onki-xin jedi abilak, behingoz, batuta, Errepublikaren aldeko gamathada antolatzera!
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!