Motore faltarengatik Landabengo Volkswagen lantegia itxita egonen dela kazetari batek idazten duen bakoitzean…katutxo batek zaunka egiten du.
Komunikabideetan ohituta gaude, politika, makro-ekonomia, kultura, gizartea, nazioarteko aferei buruz berriak irakurtzen, baina lantegi baten hornidurari buruzkoak ez ditut nik sarri topatu. Nire eskema mentalentzat, kontzeptu berria da. Orain arte ez dugu irakurri Ayestaran zapata-dendara Camperrak iritsi ez direla edo auzoko okindegian txokolatezko garroteak ez zaizkiela ailegatuko. Hala ere, egun batetik bestera, Volkswageneko motoreak egunkarietan ateratzeko moduko berria dira; zergatik? Apika Nafarroako ekonomia monokultiboa delako? E? Hortaz, ez legoke gaizki alternatibak bilatzen hastea, gehien bat, motoreak noizbait bidean geldituko balira ondorio apokaliptikoak ekiditeko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
