Nafarroako Gobernuaren menpeko 10 liburutegi publiko erabat edo
partzialki itxi dituzte. Ordezkapenik ez egoteak Castejon, Fustiñana, Melida,
Faltzes, Zarrakaztelu, Baztan eta Irurtzungo liburutegi publikoak ixtea
eragin du, baita Andosilla, Mendigorria eta Garesko liburutegietan
irekitzeko ordutegia murriztea ere.
Ordezkapenik ez izatea Administrazioaren gaitz endemikoa da, eta
liburutegiko langileak ere ez dira arazo horretatik kanpo geratzen. Aldi
berean, liburutegi horiek erabiltzen dituzten herritarrei zerbitzu publiko bat
kentzen zaie.
Horietako herri askotan, dagoen zerbitzu eta eraikin publiko bakarra edo ia
bakarra da liburutegia. Liburu eta bestelakoak alokatzearekin batera,
komunitatea sortzen duten lekuak dira liburutegiak. Bizilagunak ikusi edo
hoztuta zaudenean babesteko txokoa.
John steinbeck esan zuen herri bateko kultura, herri horren liburutegi
publikoko liburuek daukaten hautsa neurtuz kalkulatu daitekela. Ez
dezagun kultur esparruan atzerapausurik eman.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!