Geometria gorputzen tamaina, forma eta posizio erlatiboez arduratzen den matematikaren atal bat da, zaharrenetakoa, gainera. Ulertzekoa da, geometriak boterearekin lotura zuzena duelako.
Geometria mota asko daude. Ez ditut hemen zerrendatuko: begiratu testu-liburuetan edo wikipedian. Nik halaxe egin du eta ez dut aurkitu “geometria aldakorra” deritzanik.
Hori politikan baino ez da aplikatzen, eta azken boladan, sarri.
Geometriak esaten digu noraino iristen den “gure” deitzen dugun hori: dela etxea, dela herria, dela anbizioa. Gurea eta ondokoena konparatzeko ere balio du eta beraz, mundua ordenatu egiten du.
Aldakor diote, baina hegazkor esaten ari dira. Desegiten ari dira alderdien tamaina, forma eta posizioa gure begien aurrean. Ikuskizun zirraragagarria da, eta zinez arriskutsua: formarik gabeko alderdiek ideologiarik gabeko boterekeria sortzen dutelako.
