Valentziari eginez gero
berriro ere jaramon,
irri egiteko motibo onik
ezin da topatu inon.
Laguntza bila dauden pertsonek
nahiz luzaroan itxaron,
agintariak euren artean
ere ezin ados egon:
laguntza zeinek ematen duen
ta zeini eskatzen zaion.
Alerta jaso zuten unean
etxeetan zegoen ura.
Gerora zenbat baliabide
herritarraren eskura?
Beti besteen errua eta
beti besteen ardura;
lokatz artean nahastu dira
haserrea ta tristura.
Denon artean hondamendia
ederki antolatu da!
Mikel Lasarte
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!