Nire genealogia feminista eraiki nahian, duela gutxi Ignacia Zabaloren lanarekin topo egin nuen. Bera izan omen zen Euskal Herriko lehen emakume ilustratzailea. Duela mende bat argitaratu zuen lehen irudia.
Virginia Woolfen antzera, garai horretako emakume sortzailea etxe onekoa behar zuen. Baina ezin izan zuen ikasi eta bere anai Txiki margolariaren bidez jaso zuen formakuntza. Gaizki ikusia zegoen gainera goi-mailako emakume bat lanean aritzea, horregatik NOR-NAI ezinezez sinatzen zuen. Edonor izan ziteken, gizona ziur aski.
Bere lan fin, modernista, estilizatua… ikusi nahi baduzue badira irudi batzuk Interneten. Asko txuri-beltzean, gehienak emakumeak protagonista dituztela.
Baina tamalez, Nor-naik ez zuen denbora gehiegi izan. 1939an Bartzelonan hil zen bonbardeaketa batean.
Gerda Lernerrek idatzi zuen moduan, gurpila asmatuta zegoen. Egungo emakume ilustratzaileek ez dugu berriz asmatu behar.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!