Bizi dugun larrialdi ekologikoaren oinarrian gaur eguneko sistema sozioekonomikoa dagoela gero eta onartuago dago. Horregatik, aldaketa klimatikoari eta biodibertsitate galerari aurka egiteko, dugun ekoizpen eta kontsumo sistema eraldatu beharrean gaudela agerikoa da.
Mundu mailan, onartua izan da egoerari buelta emateko bertze gobernantza eredu bat behar dela. Gobernantza eredu berri honetan,naturari behar duen balioa onartzea ezinbertzekoa da, baita tokiko komunitateei zein gizarte eragileei ahotsa ematea eta hauek erabakihartze prozesuetan parte hartzea ere. Gobernantza eredu berri honen guztiz kontrakoa da Nafar Gobernuak Erdizen eginen den mehategiari udalerriz gaindiko proiektuen figura baliatuta argi berdea eman izana. Bertzeak bertze, tokiko komunitateak zein proiektuaren aurka agertutako gizarte eragileak erabakitik guztik kanpo utzi ditu. Beraz, argi dago, proiektu hau ikuspegi guztietatik larrialdi ekologikoaren inpaktuak areagotzera etorri dela.
