Gaur, Iruñeako Ioana Hernández Arriaga artista eta zeramikari apartaren lana aurkeztu nahi dizuet. 'DOMA' izeneko erakusketa apirilaren 16an Ziudadelako Armen Aretoan inauguatuko du.
Haurtzarotik, Ioanak artearekiko berezko joera erakutsi zuen, eta horrek Arte Ederrak ikastera eta zeramikarekiko grina aurkitzera eraman zuen.
2014an Kamuts Zeramika sortu zuen, edalontziak, ontziak, katiluak eta zeramikazko bitxigintza sortzen zituen bere lehen artisau-enpresa.
Urte batzuk geroago, bere proiektua IO Zeramika bihurtu zuen, bere tailerra formakuntza-proposamen batekin konbinatzen duen gunea.
Ioanaren lanak funtzionaltasuna eta sormena batzen ditu, objektu utilitarioetatik hasi eta eskultura eta horma zeramikoetaraino.
Etengabeko formakuntza bilatzeak, teknikak hobetzeko eta ideia berriak aztertzeko aukera eman dio, betiere berritzeko helburuarekin baina zeramikaren izaera tradizionala galdu gabe. Gainera, artisau-lanaren balioa defendatzen du industria-ekoizpenaren aurrean, eskuzko lanaren garrantzia nabarmentzen du.
2023an, 'DOMA' proiektuaren hazia aurkeztu zuen, eta, bertan, bere piezen bidez, bezatzeak dakarren malgutasuna eta aldaketaren inguruko hausnarketa proposatu zuen. Bezatzea, ere, modu desberdinean lan egitea, etetea, desio, objektu eta forma berriak aztertzea, ziurgabetasuna onartzea eta egitea delarik.
Ioanaren obra, ehundura eta akabera desberdinekin egindako esperimentazioari esker bakarra da. Eskuzko modelatzeak eta esmalte eta egosketa berezien erabilerak nortasun propioa ematen diote sorkuntza bakoitzari. Berarentzat, emozioak adierazteko eta ideiak gauzatzeko zeramika bitarteko bat da.
