Tarte honetan areagotu egin da independentziaren zentralitatea eztabaida politikoan eta erabakitzeko eskubidaren aldeko ekimenak oinarri sozial zabala bereganatu du. Arreta handiz jarraitu genuen Eskoziako erreferenduma 2014an, eta are handiagoz ari gara jarraitzen Kataluniako prosezu independentista guretzat baliagarriak izan daitezken ikasgaiak atera nahian.
Independentistak sareko kideok, ekimen desberdinen bitartez, gehiego sozial independentista bat metatzeko estrategian sakondu eta egungo Euskal Herriarentzat etorkizuneko alternatiba izan behar duen independentismoa definitzen aritu gara.
Burutu dugun lanaren balantzea egin eta egungo egoera sakon aztertzeko ordua dela uste dugu, ondoren, euskal mugimendu independentistak aurrera begira garatu behar duen estrategia eta egin behar dituen urratsak ondo zehaztu eta jarduera plan bat mahai gainean jartzeko. Jauzi bat egiteko garaia da.
Hau guztia bideratzeko, prozesu irekia jarriko dugu martxan urte berriareki batera eta data jarri diogu lehen pausuari: Urtarrilaren 16an TOPAKETA IREKIA antolatu dugu Lakuntzako kultur etxean, goizeko 10etan. Topaketa guztiz zabala izango da eta bertan parte hartzera gonbidatzen ditugu independentista guztiak.
Euskal Herria, 2015eko abenduak 22
INDEPENDENTISTAK sarea
www.independentistak.eus
Lakuntzako Kultur Etxea (Larraineta kalea, 16)